‘Fox Sports’ ka njoftuar sot (e martë) që nga tani është në partneritet me rrjetin social Facebook për të transmetuar drejtpërsëdrejti ndeshjet në UEFA Ligë të Kampionëve gjatë sezonit 2017-18.

Rrjeti sportiv, nën menaxhimin e ‘Twenty First Century Fox Inc’, ka thënë që disa nga ndeshjet e mëdha nga turneu gjigant në Evropë do të transmetohet ekskluzivisht në Facebook dhe ‘Fox Sports Go’, transmeton portali arbresh.info.

Kompanitë e mëdha prapa rrjeteve sociale si Facebook dhe Twitter kanë kthyer fokusin për të nënshkruar marrëveshje sportive për transferimin e ndeshjeve drejtpërsëdrejti pasi audienca e re gjithnjë e më shumë vazhdon të mbështetet në internet për të shikuar ngjarjet sportive duke hequr dorë nga shërbimet tradicionale kabllore.

Sipas marrëveshjes, ‘Fox Sports’ do të filloj transferimin e ndeshjeve në UEFA Ligë të Kampionëve në Shtetet e Bashkuara të Amerikës në faqet e tyre në Facebook duke filluar nga muaji shtator./arbresh.info